Bridget Fonda shfaqet në publik pas akuzave ndaj partnerit të saj

Bridget Fonda u fotografua për herë të parë që kur burri i saj, Danny Elfman, u akuzua për sulm se*sual nga një grua e dytë në një proces gjyqësor të ri.

Aktorja u pa duke vizituar një mik në Los Angeles të mërkurën. Fonda – e cila u largua nga Hollywoodi më shumë se dy dekada më parë – doli pa grim, e veshur me një bluzë gri të lirshme me Mickey Mouse mbi të, pantallona të zeza dhe atlete gri.

Dalja  vjen pak më shumë se një javë pasi burri i saj – me të cilin u martua në vitin 2003 – u padit nga një grua e dytë, e cila pretendoi se Elfman qëndroi pa rroba para saj disa herë.

Sipas Guardian, në padinë, e cila u ngrit në Los Anxhelos më 18 tetor, gruaja – e identifikuar si Jane Doe XX – pretendon se ishte një studente 21-vjeçare në Akademinë e Filmit të Nju Jorkut kur u takua me Elfman në 1997.

Muzikanti i famshëm – i cili ishte 47 vjeç në kohën e incidentit të supozuar – dyshohet se e përdori statusin e tij në industrinë e muzikës për sjellje të pakëndshme.

Ajo pretendon se Danny i hiqte shpesh rrobat e tij kur ishte përreth dhe ndonjëherë i kërkonte asaj të zhvishej lakuriq.

Në padi, paditësja tha se do të pranonte sepse e shihte atë si një mentor dhe “gjithmonë ndjente  presionin për të vepruar në një mënyrë të caktuar … si kusht për vazhdimin e marrëdhënies së tyre”.

Jane Doe ka paditur Elfman, 70 vjeç dhe kompaninë e tij, Musica de la Muerta, për dhunë gjinore, neglizhencë, ngacmim se*sual, sulm se*sual dhe shkaktim të qëllimshëm të shqetësimit emocional./