Forcat izraelite vrasin kreun e operacioneve ajrore të Hamasit

Një zyrtar i lartë ushtarak i lëvizjes islamike palestineze Hamas është vrarë në 24 orët e fundit nga Forcat Ajrore izraelite, njoftoi sot një zëdhënës ushtarak.

“Gjatë një operacioni të Forcave Ajrore të kryer në 24 orët e fundit janë goditur bazat komanduese të organizatës terroriste Hamas. Gjatë këtij operacioni, Merad Abu Merad, kreu i operacioneve ajrore të (Hamasit) në qytetin e Gazës, përgjegjës për pjesën më të madhe të sulmit vdekjeprurës të së shtunës kundër Izraelit, u vra”, tha zëdhënësi në një deklaratë.