Policia nis hetimet pas akuzave për Russell Brand

Autoritetet po hetojnë akuza të shumta për sulm se*suale që kanë marrë që kur u bënë pretendime për Russell Brand.

Në fillim të këtij muaji, gazeta britanike  The Sunday Times dhe Channel 4’s Dispatches publikuan raporte që dokumentonin akuzat për përdh*nim, sulm se*sual dhe abu*im nga katër gra kundër Brand.

Russell mohoi akuzat në mediat sociale, duke thënë se ai “i hedh poshtë absolutisht” pretendimet, të cilat ai i quajti “sulme jashtëzakonisht të rënda dhe agresive”.

Të hënën, Scotland Yard i Policisë Metropolitane konfirmoi në një deklaratë se detektivët kanë nisur një hetim mbi akuzat për shkelje se*suale. Ata nuk e përmendënaktorin me emër. Asnjë arrestim nuk është bërë. Policia tha, “Pas një hetimi nga Dispatches të Channel 4 dhe The Sunday Times, Met ka marrë një sërë akuzash për sulm se*suale në Londër. Ne kemi marrë gjithashtu një sërë akuzash  të kryera diku tjetër në vend dhe do t’i hetojmë këto .”

Detektivi Andy Furphy, i cili drejton hetimin, shtoi në një deklaratë: “Ne vazhdojmë të inkurajojmë këdo që beson se mund të ketë qenë viktimë e një ab*zimi se*sual, pavarësisht sa kohë më parë ka qenë, të na kontaktojë.”

“Ne e kuptojmë se mund të duket si një hap i vështirë për t’u ndërmarrë dhe unë dua të siguroj se kemi një ekip oficerësh specialistë në dispozicion për të këshilluar dhe mbështetur,” tha Furphy./