Kurti: Serbia të mbajë përgjegjësi për sulmin ndaj policisë së Kosovës

Kryeministri i Kosovës, Albin Kurti, ka akuzuar Serbinë për sponsorizimin e sulmeve terroriste të së dielës në territorin e Kosovës. Përmes një postimi në rrjetin social X, kreu i qeverisë së Kosovës ka publikuar llojet e armëve të gjetura në Banjskë teksa ka bërë thirrje që shteti serb të mbajë përgjegjësi për “sponsorizimin e dhunës terroriste në territorin e Kosovës”.

“Këto armë dhe pajisje të nivelit ushtarak – të sekuestruara në operacionin antiterror të Policisë së Kosovës pas sulmit të djeshëm – nuk lënë vend për dyshim: autorët s’vepruan të vetëm, por me mbështetjen e shtetit. Serbia duhet të mbajë plotësisht përgjegjësinë për sponsorizimin e dhunës terroriste në territorin e Kosovës” – shkroi Kurti në X. ©

These military-grade arms & equipment—seized in @Kosovo_Police‘s anti-terror operation after yesterday’s attack—leave no room for doubt: The perpetrators acted not alone but w/ state backing. Serbia must be held fully accountable for sponsoring terrorist violence on 🇽🇰 territory. pic.twitter.com/hbFHiV1rMe

— Albin Kurti (@albinkurti) September 25, 2023