Asgjësohen 980 bimë narkotike në Skrapar, në pranga dy autorët

Policia ka asgjësuar 980 bimë narkotike kanabis në një zonë të pyllëzuar të Skraparit, në fshatin Novaj.

Policia ka mundur të identifikojë dhe vërë në pranga dy autorët e dyshuar të kultivimit të bimëve narkotike. Gjithashtu, janë sekuestruar 2 radio marrëse-dhënëse që u gjetën në banesat e tyre.

Po ashtu, kryetari i fshatit Novaj dhe inspektori i shërbimit pyjor të kësaj zone janë proceduar penalisht, për shpërdorim të detyrës.

Gjatë të gjitha fazave të operacionit “Tomorri”, janë asgjësuar 2105 bimë narkotike kanabis, janë arrestuar 5 persona, është shpallur në kërkim 1 shtetas dhe janë proceduar në gjendje të lirë 3 të tjerë.

/a.r