“Një plumb rikoshet i mori jetën rojës”, gazetarja tregon DETAJE nga sulmi në “TCH”: Makina s’është djegur plotësisht…

Top Channel është përballur me një situatë të rëndë mesnatën e së dielës, ku është qëlluar me armë zjarri në drejtim të godinës nga persona ende të paidentifikuar.

Roja i sigurisë, Pal Kola 60 vjeç humbi jetën, pasi u qëllua me armë rreth orës 01:00, në rrethana ende të paqarta.

Gazetrja e TCH, Dorjana Bezat ka sjellë detaje të reja për ngjarjen e rëndë. Ajo tregoi për “Shqipëria Live” që ka qenë një plumb rikoshet që i ka marrë jetën rojës së oblektit.

“Një plumb rikoshet nga kangjellat e godinës ka rënë në kabinën e rojës, i cili ka qenë fatal për Pal Kolën.

Vetëm pak minuta pak sulmit Policia është njoftuar se në rrugën e Kavajës, është gjendur makina e autorëve, ku janë gjetur dy kallashnikovë.Ka shpresa që të gjenden prova, sepse mjeti nuk është djegur plotësisht për shkak të ndërhyrjes së zjarrfikësve”, raportoi gazetarja Dorjana Bezat.