Zjarret në Greqi, evakuohet për herë të dytë një fshat në Evros

Greqia prej javësh është duke luftuar me zjarret. Së fundmi flakët kanë prekur edhe pjesën e fshatit Lefkimmi. Kjo është hera e dytë që në këtë zonë është dhënë një urdhër për evakuimin e banorëve. Për herë të parë rreziku nga zjarri në Lefkimi ishte më 27 gusht, raporton Protothema.

Mediat greke kanë raportuar se autoritetet u kanë bërë thirrje banorëve në zonë që të largohen pasi vatrat e zjarrit po përhapen me shpejtësi. Në vendngjarje janë vendosur 582 zjarrfikës me 122 automjete, 16 brigada ushtarake, 8 avionë dhe 2 helikopterë.