Evi Kokalari shpërthen në akuza të forta ndaj Berishës dhe Këlliçit, denoncon pazaret e tyre dhe paralajmëron shkërmoqjen e “Foltores”

Kokalari shpërthen në akuza të forta ndaj Berishës dhe Këlliçit, denoncon pazaret e tyre dhe paralajmëron shkërmoqjen e “Foltores”SHKRUAR NGA RIGELS SELIMAN24 MARS 2023Evi Kokalari shpërthen në akuza të forta ndaj Berishës dheAktivistja shqiptaro-amerikane, Evi Kokalari, dikur një mbështetje shumë e madhe e Sali Berishës, tani jo vetëm që është kundër tij, por edhe një kundërshtare e fortë ndaj Belind Këlliçit, i cili është propozuar nga “Foltorja” si kandidat për kryetar Bashki në Tiranë sa i takon zgjedhjeve lokale të 14 majit. Teksa e cilëson si “kloun” Këlliçi, Kokalari u shpreh dje në rrjetet sociale se kandidimi i tij është si produkt i pazareve të pista. Ajo thotë se në këtë drejtim ka mbivlerësuar ndershmërinë e Sali Berishës, pasi besonte realisht se “Foltorja” do të sillte ndryshimin, por nuk rezultoi kështu. “Tashti më thonë që kjo gjëja mund të ketë gënjyer dhe për masterin dhe prandaj Ministria Arsimit s’ia njeh diplomën. Po gërmoj më tej e do t’ju them. Se si u reduktua PD e ‘Rithemelimit’ tek ky klloun, zoti e di. Se pse Berisha mbylli sytë dhe veshët me këtë njëri dhe ky mister është. Që pazaret janë arsye s’ka asnjë diskutim, por sa kyç paska qenë ky pazar që këta sakrifikuan gjithë atë mund të ‘Foltores’ dhe më detyruan dhe mua t’ju dal kundër, është akoma për t’u parë. Që Berisha bëri gabim që nuk reagoi dhe mbasi i kërkova ndihmë, për sulmet që ky lëtyrë lançoi ndaj meje vjet në verë, besoj se tashmë kaq e kanë kuptuar të gjithë dhe për të qenë e sinqertë, s’kam ndërmend ta lë të kaloj. Demokratët mos më kërkojnë më llogari pse i jam kthyer këtij gjësë, apo dhe Berishës vetë. Nëse ndonjë prej jush mendon që sulmet ndaj meje vjet ishin të justifikuara, hajde ma vërtetoni dhe do tërhiqem. Ndryshe, moral koti mos bëni sepse nuk do ta lë kurrë veten të baltosem në mënyrën se si më baltosën disa me dijeninë e plotë të Berishës, vetëm se ekspozova vjedhjet dhe manipulimet e këtyre. Dhe gjë mangut nuk do t’i lë….”, shkruan ajo.

“

Foltorja” drejt shkatërrimit

Më tej aktivistja shqiptaro-amerikane, Evi Kokalari paralajmëron shkërmoqjen e “Rithemelimit”. Sipas saj, demokratët u prenë në besë nga dyshja Berisha-Këlliçi. “Tashti shoh ‘Foltoren’ se si po vetshkatërrohet dhe më vjen keq që me naivitet mbivlerësova aftësitë e tij për të bërë ndryshime reale në PD, që si pasojë, do të sillnin ndryshime në të gjithë arenën politike të vendit. Në fakt aftësitë i kishte, unë mbivlerësova ndershmërinë e tij. Si përfundim, kjo gjëja (çfarë do që ta quani) gënjeu për diplomën e gjimnazit, mundësisht masterin, gënjeu çdo demokrat prezent që votoi në 30 prill, gënjeu të gjithë ata që votuan kryesinë, gënjeu me garat e forumit rinor, mundësisht me primaret për bashki dhe ju doni të më mbushni mendjen që ky është më i mirë se Erion Veliaj??? Nëse prisni mbështetje nga njerëzit thjeshtë se e prezantoni si produkt të PD-së, juve ju ka ikur të gjithëve mëndja”, u shpreh ajo.

Presionet

Ndërkohë aktivistja shqiptaro-amerikane, Evi Kokalari zbuloi arsyes i përfundoi tek “Foltorja” e Sali Berishës. “Mua do të më vinte turp të dilja në foto me këtë, le më ta quaja pjesë të ‘Foltores”. Në fakt këta me zor e sollën tek ‘Foltorja’ se nuk i vinte. Ndoshta pazaret filluan që atëherë!! Dhe uroj kjo puna e mos sjelljes së Berishës në fushatë se i bën dëm mos jetë e vërtet, sepse do ishte poshtëruese jo vetëm për Berishën, por për të gjithë ju që militoni akoma në atë parti. Cirk të mbarë deri në 14 Maj, se ky seriozisht më kujton atë familjen që në kohën e komunizmit dilnin rrugëve të Tiranës me arusha Mirën për dore, i binin dajres, arusha kërcente, dhe ne fëmijët argëtoheshim. Ky kuptohet, dajristi…”, nënvizoi ajo. Kujtojmë se vetë Kokalari në muajin shkurt zyrtarizoi partinë e saj ‘Konservatorët’, pas zhgënjimit që pësoi nga Sali Berisha dhe distancimi nga Partia Demokratike, e ndërsa që në krye të herët ka derdhur një lum akuzash në drejtim Këlliçit. Më herët, Kokalari akuzoi Këlliçin se kishte lobuar dhe orientuar votat për të siguruar një vend në Kryesi. Kjo përplasje nisi para se PD e Berishës të finalizonte zgjedhjen e organeve drejtuese, përmes posteve më të rëndësishme në parti pas kryetarit, Sekretarit të Përgjithshëm dhe nënkryetarëve, por që vetë ai nuk mori asnjë post.

.