“Luftë” e hapur mes Ilary Blasi dhe Francesco Totti

Francesco Totti dhe Ilary Blasi nuk i lejojnë vetes as pushime verore. Sipas raportimeve të “Corriere della Sera”, Ilary Blasi ka bërë një kërkesë për dëmshpërblim kundër ish-bashkëshortit të saj. Avokatët e Tottit duhet të përgjigjen deri më 10 gusht dhe duket se kanë gati një listë me mesazhe inkriminuese nga Blasi. Pyetja është: kush mashtroi i pari?

Arsyeja e sherrit- Ilary Blasi akuzon Francesco Tottin duke pretenduar se martesa e tyre përfundoi pas 20 vitesh dashuri për shkak të tradhtisë së tij me Noemi Bocchi-n. Për këtë arsye, avokatët e showgirl-it – sipas “Corriere” – kanë paraqitur një kërkesë formale debiti në gjykatën e Romës. Në fund të fundit, ish-futbollisti nuk e ka fshehur kurrë se kishte rënë në dashuri me një grua tjetër. Në një intervistë të gjatë, Totti ka rrëfyer se historia e tij me Noemi kishte nisur pas natës së Vitit të Ri dhe ishte konsoliduar në mars të vitit 2022. Tani Francesco dhe Noemi jetojnë në të njëjtën shtëpi në kryeqytet.

Përgjigja e Tottit- Avokatët e Francescos synojnë t’i përgjigjen kërkesës për dëmshpërblim të Ilary. Aludohet se ata kanë prova të mesazheve komprometuese të showgirl-it që ish-futbollisti ka zbuluar gjatë martesës. “Nuk e kisha kontrolluar kurrë telefonin e saj. Por kur mora paralajmërime nga njerëz të ndryshëm që u besoj, u bëra dyshues dhe i kam shikuar. Dhe pashë që ishte një person i tretë, i cili vepronte si ndërmjetës mes Ilarit dhe një tjetri”, është rrëfimi i Tottit që raporton “Corriere della Sera”. Dhe pikërisht nga sms-të, Francesco ka pikasur flirtin e pretenduar të ish-bashkëshortes. Mediat italiane përmendin emrat e Cristiano Iovino dhe Luca Marinelli.

Luftë e hapur- Kushdo që mendoi për një armëpushim midis Totti dhe Ilary, do të duhet të mendojë përsëri. Brenda datës 10 gusht avokatët e ish-futbollistit do të kenë kohë t’i përgjigjen showgirl-it dhe shkëmbimi i akuzave të ndërsjella sigurisht që nuk lë vend për armëpushim.