Allegri sabotoi Inter në finalen e Champions”: Palmeri zbulon strategjinë e juventinit për të fituar titullin

Një plan i studiuar prej kohësh. Sipas gazetarit Tancredi Palmeri, pas lamtumirës së Romelu Lukaku me Inter qëndron Max Allegri. Tekniku bardhezi është interesuar për sulmuesin belg për dy arsye. E para, për të forcuar skuadrën e tij dhe e dyta për të dobësuar një nga rivalët për titull.

Ja çfarë shkruan gazetari në editorialin e tij për sportitalia.it: “Nëse gjithçka në futboll është relative, në kuptimin që nuk llogaritet të jesh i fortë në vetvete, por thjesht të jesh më i fortë se të tjerët, atëherë më 22 korrik fituesi absolut i merkatos është Massimiliano Allegri. Juventus nuk është përmirësuar shumë deri më tani. Por si gjeneral që shkon në luftë, Allegri ka adoptuar konceptin se prioriteti është dëmtimi i armikut, me çdo kusht”.

“Në mendjen e Max armiku i betuar ishte dhe mbetet Inter – vazhdoi Palmeri -. Jo aq për juventinitetin, por sepse në mënyrë më prozaike Allegri ka dy vjet që përsërit, duke besuar apo jo, se Inter është favoriti për titullin. E kështu, nëse gjithçka në futboll është relative, nëse nuk mund të bëheni aq të fortë sa kundërshtari që mendoni se është më i fortë, atëherë hapi tjetër është ta bëni atë më të dobët për ta ulur në nivelin tuaj”.

“PUNA E ALLEGRI MUND TË KETË NDIKUAR NË FINALEN E CHAMPIONS”

“Pavarësisht se sa Lukaku mund t’i shërbejë në të vërtetë kauzës allegriane, por kur trajneri i Juventus u ekspozua personalisht për të trazuar belgun në maj, është e qartë se qëllimi për të prishur planet e Inter ishte po aq i rëndësishëm për të. E Allegri e bëri mirë, duke e ditur se po përballej me një degëz të paqëndrueshme ndaj rrymave, të shqetësuar nga pankinat në Champions dhe të paqëndrueshëm ndaj rebelimit të nxitur nga nëna e tij”.

Palmeri u shty edhe më tej: “E kushedi nëse qetësia e Lukaku nuk u ngacmua as në vetë finalen, kur hyri në lojë në vazhdim dhe, pa e ditur askush, ushqente tradhtinë e madhe duke u ndjerë i justifikuar sepse nuk konsiderohej më si zgjedhja e parë. Me pak fjalë, Allegri fitoi në çdo nivel, madje duke pasur një element shqetësimi në qetësinë e Inter për të luajtur për finalen e Champions League. Nëse vërtetë arrin të marrë vërtetë Lukaku, atëherë do të jetë një fitore totale”.

Kush e di nëse ky ishte vërtet plani i Max Allegri. Por nëse do të ishte, ka funksionuar në mënyrë perfekte.