Blendi Gonxhja: Si përfundova me brinjë të thyera në zgjedhjet 26 majit!

Më 26 maj 1996 u zhvilluan zgjedhjet parlamentare që përfunduan me një proteste masive të shqiptarëve për të kundërshtuar vjedhjen e zgjedhjeve. Protestat u mbyllen me dhunë. Mes atyre që u dhunuan barbarisht nga policia dhe SHIK-u në Sheshin Skënderbeu, ku kishin dalë për të protestuar ishte edhe ministri i Ekonomisë, Kulturës dhe Inovacionit, Blendi Gonxhja.

I ftuar në Dekalog nga Roland Qafoku në DritareTv ai ka treguar për herë të parë gjithë ngjarjen.

“Fati im i vetëm që më dërguan te komisariati numër 1, sepse po të qëllonte te me mbanin në makinat e policisë, do të shkonte ndryshe. Aty, Arben Imamit i kanë thyer dhëmbët.

Ndaj them se isha me fat, sepse komisariati numër 1 nuk e lejonte këtë lloj trajtimi.

Nga këto ambiente, pastaj dikush merrej në pyetje dhe dikush tjetër dërgohej në burg. Kam parë në qeli edhe shumë gra që merreshin nga protesta, mes tyre edhe gazetare apo gazetare. Mbaj mend gazetarin Bardhok Lala, i cili u hodh andej nga liqeni dhe u gjend me kokën jashtë dhe trupin të varrosur në një grope të madhe.

Qëllimi i vetëm yni, u njerëzve që protestonim dhe u rrahëm barbarisht, ishte të mos pranonim vjedhjen e zgjedhjeve. Dhe ata qe na rrihnin ishin të gjithë krerët politikë të Partisë Demokratike nëpër komisariate. Ishin ata që godisnin njerëzit.

Ata donin të na ndalonin për çdo gjë, për të vënë postera, për të bërë zgjedhje. Ne donim të futeshim në shesh dhe ata nuk donin as që ne t’i afroheshim 15 katërshit dhe të takoheshim me gazetarët e huaj. Unë mund të them se kam shpëtuar mirë me brinjë të thyera, sepse në atë ngjarje njerëzit janë goditur dhe masakruar me leva dhe mjete të tjera.”- u shpreh Blendi Gonxhja