Dosja ‘Partizani’, shtyhet seanca paraprake për Berishën në GJKKO

Është shtyrë sërish seanca paraprake për kryedemokratin Sali Berisha në Gjykatën e Posaçme.

Sipas burimeve për A2 CNN bëhet e ditur se është vendosur që seanca të zhvillohet në 11 prill të këtij viti.

Kujtojmë se Berisha është shprehur se është tërësisht i pafajshëm nga akuzat, të cilat i konsideron si të motivuara politikisht.

Nga ana tjetër, Prokuroria e Posaçme ka kërkuar ‘arrest shtëpie’ për Berishën, të cilin e akuzon për korrupsion dhe shpërdorim detyre në dosjen ‘Partizani’.

Kujtojmë se Berisha qëndroi 333 ditë në ‘arrest shtëpie’ dhe më pas Gjykata vendosi ndaj tij që ta nxjerrë me masën ‘detyrim paraqitje’, pasi hetimi ndaj tij kishte përfunduar dhe ai nuk mund t’i prishte provat.