Me aftësitë që pashë te ai kur e stërvisnim, nuk më ka emocionuar

Sergio Porrini, ndihmës trajneri i Rejës në kohën kur ishin te Shqipëria, ka folur tani sa i përket Kristjan Asllanit. Mesfushori shqiptar është pjesë e Interit, por nuk po gjen shumë hapësira te zikaltërit. Porrini është shprehur se Asllani e ka zhgënjyer me mënyrën sesi po e vazhdon karrierën e tij, për cilësitë e mëdha që pa te ky futbollist në një moshë më të vogël. “Dua të jem i sinqertë dhe të them të vërtetën, për aftësitë e mëdha që pashë te ai në atë kohë kur e stërvisnim, mënyra sesi i ka vazhduar karriera nuk më ka emocionuar deri tani.

Këshilla ime për të? Nëse nuk po ia del te Interi, të ikte diku tjetër, por të ishte protagonist atje. Unë e kuptoj se është bukur të luash në klub të madh dhe të ftiosh trofe, por vjen një pikë kur lojtari kërkon të ndihet vërtet i rëndësishëm. Te Interi nuk është fare e lehtë për të, për shkak të presionit të madh dhe se duhet të zëvendësoj Calhanoglu, i cili është një nga më të mirët në botë në rolin e tij”, tha Porrini. /Sport Ekspres/