“Fatmir Haklaj është ndjekur hap pas hapi nga shërbimit informativ i Berishës”, avokati: Urdhrin për atenatin në urën e Milotit e dha kreu i PD

Idajet Beqiri, avokati i familjes Haklaj ka folur ditën e sotme për Report Tv në lidhje me kallëzimin e dytë në SPAK, që është bërë për Sali Berishës, mbi dosjen e pa zbardhur të vrasjeve në Tropojë. Beqiri tregon se elementi i ri në dosje është ajo që ka ndodhur në datën 21 Qershor 1997, një ditë përpara prezantimit të kandidatëve të zgjedhjeve.

Sipas Beqirit dhe familjes Haklaj, në kallëzim janë referuar me fakte konkrete dhe me orë nga vendet e ngjarjes, se urdhërin për pritën që i është bërë në urën e Milotit, Fatmir Haklajve dhe 3 personave të tjerë, është dhënë nga Sali Berisha.

Beqiri: Berisha në këtë kohë, ai donte me çdo kusht të bënte veriun për vete, nuk mund ta bënte veriun për vete nëse nuk bënte Tropojën për vete. Berisha nuk ia fali Haklajt, nuk ia fali që nuk e la të bënte vullnetarët e veriut. Edhe pastaj Berisha nis t’i thotë jeni komunist, jeni të majtë etj.
Në vitin 2022 kemi bërë një kallëzim penal për vrasjen e 4 vëllezërve. SPAK po bën politikë me atë dosje. Dosjen e ka zënë pluhuri. Haklaj nuk ka pasur nevojë për prokurori sepse ata i kanë çuar të gjitha provat.

Kallëzimi i dytë që kemi bërë në datën 17 Mars lidhet me ngjarjen e 21 Qershorit 1997. Çfarë ka ndodhur?
Në 22 Qershor të 1997 Berisha do vinte të prezantonte deputetët. Një nga këta ishte Azem Hajdari. Në 21 Qershor një person me mbiemrin Rustemi, u tentua për tu vrarë. Ai i tha vëllait që kishte afër në Tropojë, merr vëllain e madh në gardë (që banonte në Tiranë) se s’dua të vdes pa i thënë gjë. Fatmir Haklaj, Sokoli, Agroni dhe gardisti dhe janë nisur të merrnin gardistin tjetër që punonte në Tiranë. E shoqja i tha që vjen më vonë se është në turn. Në 11 të natës ata janë nisur për në Tropojë, pasi ka mbaruar turni. Sa kanë kaluar urën e Milotit i është bërë një pritë dhe e kanë e sulmuar mjetin. Janë gjetur 160 gëzhoja, aty ngeli i vrarë gardisti dhe Sokol Mulosmani i plagosur rëndë.
Përse ndodhi një gjë e tillë?

Fatmir Haklaj është ndjekur hap pas hapi. Ata që e ndiqnin ishin pjesë e shërbimit informativ të Sali Berishës. Edhe ata kujtuan se Haklaj do vinte mos të linte Berishën të bënte mitingun. Në momentin që Haklaj ka çuar në spital një nga të plagosurit, kanë dal para garditstët e Berishës, që ishin gati për të shkuar të nesërmen në Tropojë. Kur ata çuan në Laç të plagosurin, sa ikën këta ai vdes në spital dhe kjo ka qenë e dyshimtë. Urdhërin e ka dhënë për gjithë ngjarjen Sali Berisha, kreu i organizatës kriminale, i gjithë asaj strukture shërbimi që kishte ngritur.