Ja dy arsyet pse Ilir Meta është në listat e hapura –

Sekretari i Përgjithshëm i Partisë së Lirisë, Tedi Blushi u shpreh se Meta mbahet në paraburgim dhe asnjë deputet i PL nuk ka pasur mundësinë ta takojë përveç tij.

Ndër të tjera, Blushi tha për ‘Real Story’ se Meta vendosi të futet në listë të hapur për dy arsye, së pari për çështje parimore dhe së dyti për të dhënë shembull personal që në kushte izolimi ka zgjedhur të sfidojë klasën politike.

“Dy deputetët aktuale nuk lejohen të zhvillojnë takime me presidentin Meta. Deputetët apo eurodeputetët në bazë të ligjit kanë të drejtë pa autorizim të takojnë ose të hyjnë në paraburgim. Krejt e kundërta ka ndodhur në rastin e deputetëve të PL.

Kushdo që e njeh Metën dhe njeh aktivitetin e tij politik, besoj nuk ka mbetur i surprizura nga ky vendim për të cilin Meta e ka shprehur. Së pari e ka sqaruar që ka dy arsye: parimore sepse Meta dhe PL tani gjithmonë kanë qenë partizan të listave të hapura. Arsyeja tjetër ishte sepse Meta ka dhënë shembullin personal që në kushte izolimi ka vendosur të kandidojë dhe sfidojë klasën politike duke hyrë në listën e hapur edhe pse në kushte aspak normale ku ai e ka të pamundur edhe të komunikojë. I pari që ka luftuar dhe që ka bërë grevë për listat e hapura.

Ka pasur propozim të kryesisë së PL që Meta të ishte pjesë e listave të mbyllura. PL edhe pse në kushte të vështira ku drejtuesi është në izolim ekstrem, por partia ka gjetur forcën të vazhdojë.”