“Ditë historike”/ Stoltenberg: Turqia do të mbështesë pranimin e Suedisë në NATO

Shefi i aleancës Jens Stoltenberg ka bërë me dije se Presidenti i Turqisë Erdogan pranoi të mbështesë ofertën e Suedisë për t’u bashkuar me NATO-n.

Stoltenberg e tha këtë pas takimit në Vilnius të Lituanisë me Erdoganin dhe kryeministrin suedez, Ulf Kristersson.

“Presidenti Erdogan është pajtuar që të çojë në Asamblenë Kombëtare protokollin e pranimit të Suedisë sa më shpejt që të jetë e mundur dhe do të punojë ngushtë me Asamblenë që protokolli të ratifikohet”, tha ai.

“Kjo është ditë historike”, shtoi Stoltenberg gjatë një adresimi për media.

Në një deklaratë të ndarë u njoftua se Suedia dhe Turqia kanë arritur marrëveshje.

Turqia ka bllokuar aplikimin e Suedisë në aleancë, duke e akuzuar Stokholmin se strehon aktivistët kurdë që Ankaraja i konsideron terroristë.

Më herët gjatë të hënës, Erdogan kushtëzoi pranimin e Suedisë në këmbim të anëtarësimit të Turqisë në Bashkimin Evropian.

/f.stafa