Deputeti demokrat i batutave, Saimir Korreshi: E shijoj, po ua kthej në të njëjtën mënyrë

Deputeti demokrat, Saimir Korreshi, i njohur për batutat e tij, ka treguar se kjo është pjesë e natyrës së tij.

“Jam në 7 komisione parlamentare dhe duhet të punoj shumë, por patjetër duke e shijuar. Kam parë që realisht nga ana e qeverisë nuk është se impresionohen shumë nga diskurset tona normale. Duke qenë se kanë kaq kohë që tallen me ne, po ia kthejmë në të njëjtën monedhë. Për të qenë i sinqertë, këtë vetëbesim e kam pasur gjithnjë.

Është një mënyrë jetese që e kam pasur që fëmijë. Plus gjatë një periudhe në PD kishim lirinë. E ndjeje që më ka shërbyer. Unë kam pasur një profil, që shumë pak e dinë se ku jam arsimuar. Duke qenë se rri me ta, unë jetoj në Lushnje, dua t’i tregoj që jam një prej tyre”, tha Korreshi ne TCH.