Pritej largimi, por rinovoi me Sivasporin, zbulohet klauzola për shitjen e Rei Manajt –

Rei Manaj ka zgjatur kontratën e tij me Sivasporin. Largimi i tij dukej një çështje e kryer, por sulmusi kreu një lëvizje befasuese ditën e djeshme. Klubi turk njoftoi arritjen e marrëveshjes për të zgjatur bashkëpunimin deri në verën e vitit 2026.

Ndërkohë “A Spor”-i ka zbuluar edhe klauzolën e veçantë në kontratën e Manajt. Klubi Sivaspor ka përcaktuar një çmim prej 4 milionë eurosh për të gjitha skuadrat që dëshirojnë të blejnë kartonin e lojtarit të Kombëtares kuqezi./Sport Ekspres/