Do ta çoj idenë time deri në fund –

Ruben Amorimi po vepron me “dorë të hekurt” te Mançester Junajtedi. Rashfordi, pavarësisht se shihej si një prej yjeve të ekipit, ka qendruar jashtë formacionit për ndeshjen e 4-t radhazi. Shkak është bërë mungesa e disiplinës në stërvitje. I pyetur nga gazetarët pas humbjes së sotme në lidhje me situatën e Rashfordit, Amorimi është përgjigjur se nuk do të tërhiqet pas dhe do ta çojë deri në fund idenë e tij.

“Ndonjë ndryshim në situatën e Rashfordit? Nëse ai nuk është këtu… atëherë ju mund të vendosni vetë. Është gjithmonë e njëjta arsye. Duhet të jemi të njëjtët profesionistë, të njëjtët djem, në fitore apo në humbje. Kur humbim, unë duhet të jem më i fortë. Do të vazhdoj me idenë time deri në fund”, ka deklarua Ruben Amorimi./Sport Ekspres/