Zogaj: Jemi në numrat e vitit 2019, VV është në trend të rënies

Alban Zogaj kandidat i Lidhjes Demokratike të Kosovës për zgjedhjet e 9 shkurtit të vitit 2025, ka thënë se kjo parti aktualisht është me vota aty ku ka qenë në vitin 2019.

Zogaj ka thënë trendi tregon që LDK-ja është në ngritje e Vetëvendosje në rënie.

“Sondazhet na thotë se jemi në numrat e vitit 2019 e shumë më mirë se edhe në këto zgjedhjet e fundit lokale ku kemi pasur 180 mijë vota e këto po rriten. Vetëvendosje është në rënie e LDK në ngritje”, ka thënë Zogaj.

Zogaj ka folur edhe për qeverisje e VV-së në këto 4 vjet, duke u ndalur të zhvillimi ekonomik.

Ai ka thënë se ekonomia e Kosovës është në nivelin me të ulët në vitet e fundit dhe se nuk është përfunduar asnjë projekt kapital.

“Ekonomia e Kosovës është në nivelin më të ulët në vitet e fundit, asnjë projekt kapital i përfunduar 12 miliardë buxhet për katër vite, asnjë projekt i përfunduar. Pra në aspektin ekonomik kemi qenë dhe jemi në nivelet më të ulëta”, ka thënë Zogaj në Tëvë 1.