Zyrtare: Nani pensionohet nga futbolli

Mesfushori portugez dhe ish-lojtari i Manchester United dhe disa klubeve të tjera të mëdha evropiane, Nani, ka mbyllur zyrtarisht karrierën e tij në moshën 38-vjeçare.

Futbollisti ishte pjesë e ekipit portugez, Estrela Amadora së fundmi.

“Ka ardhur koha të them lamtumirë, kam vendosur të përfundoj karrierën time si lojtar profesionist. Ka qenë një rrugëtim i jashtëzakonshëm dhe do të doja të falënderoja çdo person që më ka ndihmuar dhe mbështetur në uljet dhe ngritjet e një karriere që ka zgjatur më shumë se 20 vjet. Është koha për të filluar dhe për t’u fokusuar në qëllime dhe ëndrra të reja. Shihemi së shpejti”, ka shkruar futbollisti.

Në periudha të ndryshme të karrierës së tij, Nani ka luajtur për Sporting, Manchester United, Fenerbahce, Valencia, Lazio, Adana Demirspor. Së bashku me “Djajtë e Kuq” ai u bë kampion i Premier League dhe katër herë fitues i Superkupës së vendit, si dhe fitoi Champions League.

Mesfushori ka luajtur për kombëtaren portugeze nga viti 2006 deri në vitin 2017. Në total ka luajtur 112 ndeshje për kombëtaren, në të cilat ka shënuar 23 gola.

Në vitin 2016, futbollisti u bë kampion evropian.

38-vjeçari Nani pas 19 vitesh fitoi 17 trofe, duke luajtur për 10 klube.

/ Sport