Pamje të pazakonta nga Hawaii, maja më e lartë mbulohet nga bora

Bora ra në majën më të lartë të Hawaiit, duke e kthyer për pak kohë majën e malit në një vend të çudirave dimërore.

Hawaii është i njohur për motin e ngrohtë, plazhet dhe pyjet. Por, nuk është e pazakontë që borë të bie në Mauna Kea.

Maja është 4207 metra mbi nivelin e detit, kështu që temperaturat atje mund të bien nën zero gjatë gjithë vitit, duke krijuar potencialin për borë gjatë çdo muaji, sipas apnews.

“Një sistem i çrregullimit në një nivel më të lartë ka sjellë temperatura më të ulëta, pasi lagështia ka ardhur nga lindja dhe ka kaluar mbi ishujt nga e diela deri të hënën”, tha Maureen Ballard, meteorologe në Shërbimin Kombëtar të Motit në Honolulu.

Kamerat e montuara në teleskopin Kanada-Francë-Hawaii treguan tokën e mbuluar me dëborë pak pas lindjes së diellit.

Ndotja e kufizuar nga drita dhe atmosfera e thatë në majë të malit e bëjnë gjithashtu atë një nga vendet më të mira në botë për të vëzhguar qiellin e natës.