Gramos Agusholli tregon pse nuk iu bashkua Eman Rahmanit e Visar Korenicës në Listën për Famljen

Deputeti i Lëvizjes Vetëvendosje (LVV) Gramoz Agusholli ka folur për herë të parë për krisjen e partisë dhe largimin e dy deputetëve Eman Rrahmani dhe Visar Korenica nga Grupi Parlamentar i LVV-së.

Në një intervistë për emisionin “Personale” në Tv Dukagjini ai ka thënë se ndjehet keq që ka humbur dy kolegë të mirë.

“Me Emanin dhe Visarin kemi rrugëtuar bashkë dhe kemi gjetur gjuhën e përbashkët. Kemi qenë kolegë dhe shokë të mirë. Kundërshtimet i kemi pasur të hapura për ligjet e kontestuara deri kur ata vendosën të mos vazhdojnë rrugëtimin me LVV-në”.

“Unë mendoj se kemi pasur hapësirë të qëndrojmë akoma në LVV. Kemi votuar rreth 250 ligje, derisa i kemi kundërshtuar 3 apo 4 ligje”, ka deklaruar Agusholli.

Ai thotë se vendimi për largimin e tyre nga LVV i ka “shkaktuar një mërzi të madhe” pasi humbi dy shokë.

“megjithatë shpresojë se ata të kalojnë pragun dhe në Kuvend të jemi së bashkë në legjislaturat tjera”.

Deputeti i LVV-së thotë se nuk ka mbetur i vetëm në parti sa u përket kauzave që lidhen me familjen.

Ai nuk beson se do të penalizohet për shkak të qëndrimeve të tij për Kodin Civil.