Aksident tragjik/ Kamioni përplaset me autobusin! Humbin jetën 24 pasagjerë

Të paktën 24 persona humbën jetën dhe pesë të tjerë u plagosën kur një autobus u përplas me një kamion mallrash në një autostradë në shtetin Zacatecas të Meksikës, thanë autoritetet lokale.

Aksidenti ka ndodhur në orët e para të mëngjesit kur autobusi që transportonte pasagjerë është përplasur me pjesën e pasme të kamionit që transportonte misër.

Guvernatori i shtetit David Monreal konfirmoi të dhënat dhe premtoi të mbështesë viktimat dhe të afërmit e tyre.