Liverpool po shikon mbrojtësin e Fiorentinës si zëvendësues të Trent

Mbrojtësi i Fiorentinës, Michael Kayode, është një nga lojtarët që udhëheqja e Liverpool-it monitoron për një zëvendësues të mundshëm të Trent Alexander-Arnold, raportoi Football Italia.

E ardhmja e Alexander-Arnold në Anfield është gjithnjë e më e pasigurt, me Real Madrid dhe Barcelona të interesuara për të. Kontrata e anglezit skadon në fund të sezonit dhe ka shumë gjasa që ai të bëhet lojtar i lirë nga korriku i vitit 2025. Nëse Trent nuk rinovon kontratën me Liverpoolin deri në fund të vitit kalendarik, atëherë nga 1 janari, në vitin 2025 ai mund të arrijë një marrëveshje paraprake me klubin e tij të ri të mundshëm, transmeton Sport.

Ka disa mbrojtës të krahut që mund të jenë me interes për Liverpool-in nëse Alexander-Arnold largohet, duke përfshirë Jeremy Frimpong të Bayer Leverkusen dhe Vandersson të Monaco-s, por Kayode, gjithashtu ka qenë i lidhur me The Reds.

Kayode bëri përshtypje kur bëri përparimin e tij te Fiorentina si adoleshent sezonin e kaluar, duke e përfunduar sezonin me një gol dhe dy asistime nga 26 paraqitje në Serie A si mbrojtës i djathtë. Është raportuar edhe për interesim nga Arsenali dhe Interi në dy merkatot e fundit kalimtare, por ai mbeti në Firence.

/ Sport/