Gruaja e “Xha Sulos” rrëfen si u ndje kur mori vesh që “Kapedani” do të restaurohej: Një detaj nga filmi i ngjante jetës sonë

52 vite pas shfaqjes së filmit “Kapedani”, ky film vjen i restauruar për të mbetur një deshmi e gjallë e kinematografisë shqiptare të atyre viteve.

Në studion e “Vizionit të Pasdites”, bashkëshortja e Albert Vërrisë i njohur ndryshe si “xha Sulo”, Jolanda Vërria tregoi emocionet e para kur mori vesh që filmi “Kapedani” do të restaurohet.

Jolanda Vërria gjithashtu tha se i sheh shumë shpesh të gjithë filmat ku ka luajtur Albert Vërria dhe theksoi se i mban mend të gjitha batutat.

“Mbesa kishte qejf baletin, ne qeshnim ndonjëherë se i thoshim ti në film nuk e lejoje. Por, mbesës i jepej dhe ndoqi baletin. Nuk më ndihmonte në punët e shtëpisë, por edhe nëse donte nuk do e lija se ai vinte 30 minuta sa të qetësohej dhe ikte prap në prova. I mbaj mend të gjitha batutat që ai ka luajtur. Kur mora vesh që do restaurohej filmi ishte kënaqësi dhe nder”, tha Jolanda Vërria.