Xhaka me ‘fytyrë kapiteni’ – lavdëron bashkëlojtarin e tij Boniface: Po kthehet në rrugën e duhur pas një dëmtimi të gjatë

Bayer Leverkusen e nisi në mënyrë fantastike rrugëtimin në Champions League.

Skuadra gjermane mposhti me rezultat të thellë 0-4 skuadrën nga Holanda, Feyenoord, shkruan Sport.

Pas fitores, Granit Xhaka nuk kurseu fjalët e mira për bashkëlojtarin e tij Boniface.

“Ai po kthehet në rrugën e duhur pas dëmtimit të tij të gjatë dhe [pasimet e tij trukuese] nuk janë asgjë e re për ne, sepse ai me të vërtetë e bën atë shumë në stërvitje dhe kur funksionon, ne jemi të lumtur. Nëse nuk funksionon aq shumë, atëherë ai duhet t’i mbajë gjërat pak më lehtë, mendoj se ai luajti shumë nga këto topa kur mbërriti për herë të parë”, tha Xhaka.