Deklarohen nga Policia për “Gazeta Blic” rreth valixhes në oborrin e Komunës së Mitrovicës

Policia është deklaruar lidhur me valixhen e lënë në oborrin e Komunës së Mitrovicës, e cila fillimisht ishte e dyshimtë dhe pas kontrollit nga njësia speciale, rezultoi që brenda kishte rroba.

Zëdhënësi i policisë për rajonin e Mitrovicës, Avni Zahiti, në një prononcim dhënë për “Gazeta Blic” tha se pas kontrollit të detajuar dhe pas përfundimit të ekzaminimit rruga është liruar për qarkullim.

“Pas informatës se pranuar, policia ka ndërmarrë të gjitha veprimeve të nevojshme si dhe kontrollin e detajuar të valixhes që i ështe bërë nga ana e njësive të specializuara për menaxhimin me mjetet shpërthyese, ka rezultuar se ne valixhe nuk ka të bëjë me ndonjë gjë të dyshuar. Pas përfundimit të ekzaminimit rruga është liruar për qarkullim”, tha Zahiti për “Gazeta Blic”.