Gjilani – Ballkani, super-sfida e sotme e Superligës

Superliga e Kosovës në futboll do të vazhdojë sot me një ndeshje, derisa tri të tjera u luajtën në fundjavë dhe një tjetër u shty.

Sot do të zbresin në fushë Gjilani dhe Ballkani, në një super-sfidë që na pret nga ora 17:00.

Gjilanasit e nisën sezonin e ri me barazim ndaj Llapit, ku bënë paraqitje mjaft të mirë, ndërsa sot në shtëpi do ta kërkojnë fitoren e parë në sezonin e ri.

Nga ana tjetër, therandasit e fituan lojën e parë kundër Dukagjinit, ndërsa sot do t’i kërkojnë pikët e radhës ndaj një ekipi mjaft të fortë.

Kjo ndeshje është vendosur të luhet sot për shkak se ekipi Portokalli e pati një udhëtim të lodhshëm në Irlandën e Veriut, ku luajti në Ligën e Konferencës.

E loja tjetër derbi mes Prishtinës dhe Dritës është shtyrë për shkak të angazhimeve të ekipit gjilanas në garat evropiane.

Aktualisht, tabelës i prijnë Llapi, Suhareka e Ferizaj me nga 4 pikë, ndërsa me një fitore eventuale sot Ballkani mund ta marrë primatin.