Këshilltari i Kremlinit akuza NATO-s dhe Perëndimit: Ndihmuan në sulmin e Kievit në Kursk

Këshilltari i Kremlinit, Nikolai Patrushev tha sot se aleanca ushtarake e udhëhequr nga SHBA dhe Perëndimi janë të përfshirë drejtpërdrejt në planifikimin e sulmit të Ukrainës në rajonin Kursk të Rusisë.

Patrushev, në një intervistë për gazetën Izvestia, argumentoi se deklaratat e Shteteve të Bashkuara se nuk ishin përfshirë në sulm nuk ishin të vërteta.

“Operacioni në rajonin e Kurskut ishte planifikuar gjithashtu me pjesëmarrjen e NATO-s dhe shërbimeve speciale perëndimore,” tha Patrushev, sipas gazetës.

“Deklaratat e udhëheqjes së SHBA-së se nuk është e përfshirë në krimet e Kievit në rajonin e Kurskut nuk janë të vërteta… Pa përfshirjen dhe mbështetjen e tyre të drejtpërdrejtë, Kievi nuk do të kishte hyrë në tokën ruse.”

Shtëpia e Bardhë tha se Ukraina nuk kishte asnjë njoftim paraprak për bastisjen e saj dhe se Uashingtoni nuk kishte asnjë përfshirje në operacion.

Ministria e Mbrojtjes e Rusisë publikoi imazhe video që tregojnë armët amerikane në rajonin Kursk të Rusisë.

/a.r