FOTO/ Spektakël në “Allianz Arena”, ceremonia madhështore hap Euro 2024

Në “Allianz Arena” në Munich, nëpërmjet një ceremonie madhështore ka marrë jetë Euro 2024. Ceremonia hapëse përpara ndeshjes së parë mes Gjermanisë dhe Skocisë nisi 30 minuta përpara duelit që mori jetë në 21:00.

Këngë, ngjyra, flamuj dhe balet, teksa nuk mungoi edhe një nderim special për Franz Beckenbauer, legjendën e ndarë nga jeta në fillimin e këtij viti. Ndërkohë që trofeu u vendos në fushë nga Jurgen Klinsmann, legjenda e gjallë e futbollit gjerman që në 1996 ka fituar trofeun e Europianit. Kujtojmë se Klinsmann ka ngritur edhe Kupën e Botës në 1990.