Humb jetën një person në Shkodër, banesa ku ai gjendej u përfshi nga flakët

Një banesë në qytetin e Shkodrës është përfshirë nga flakët rreth orës 02:10, në lagjen Zogaj.

Si pasojë e zjarrit, ka humbur jetën shtetasi, Jakup Çotaj 52 vjeç, ndërsa bashkëshortja e tij ka mundur të dalë nga banesa pa pësuar dëmtime nga zjarri, raporton Euronews.al.

Dyshohet se zjarri në banesën që u shkrumbua totalisht, ishte aksidental.

Grupi hetimor nën drejtimin e Prokurorit po punon për përcaktimin e shkakut të rënies së zjarrit.