Posteri i Këlliçit me gishtin e mesit lart, xhamitë e Tiranës lëshojnë thirrjen e fortë: Ndikon negativisht në imazhin e qytetit, KQZ të ndërhyjë!
Xhamitë e Tiranës kanë reaguar pas posterit të kandidatit të koalicionit “Bashkë Fitojmë” për Tiranën Belind Këlliçi pas fotos ku shfaqet me gishtat e mesit lart.
Në një postim në rrjete sociale, në reagim thuhet se është thelbësore që të mos harrohet rëndësia e etikës në politikë.
Xhamitë e Tiranës i bëjnë thirrje Këlliçit që të reflektojë si dhe KQZ-së që të ndërhyjë në kohë për të parandaluar ndikimin negativ të sjelljes së kandidatit në imazhin e qytetit dhe në integritetin e zgjedhjeve.
Megjithatë të shumta janë edhe reagimet e qytetarëve, të cilët kërkojnë që të njëjtën thirrje ta bëjnë edhe për postimet e kryeministrit.
“E mira do ishte që faqja juaj të bënte të njëjtën thirrje edhe në rastin e posterit elektoral të Kryeministrit, i cili përmban, urrejtje, bullizëm dhe shkelje të normave etike. Meqë i keni hyre kësaj pune, atëherë çojeni në fund”- shkruan një qytetar
Ju lutem të reflektoni në lidhje me rëndësinë e kodit etik në procesin e zgjedhjeve. Në këtë periudhë, kur kandidatët janë duke luftuar, është thelbësore të mos harroni rëndësinë e etikës në politikë.
Fitimi në zgjedhje është një objektiv i rëndësishëm për çdo kandidat, por duhet të bëhet në mënyrë etike. Kandidatët duhet të mbajnë një nivel të lartë të sjelljes dhe të respektojnë ligjet dhe rregulloret e zgjedhjeve
Fitorja e vërtetë nuk është vetëm fitimi në zgjedhje, por edhe lufta kundër tundimit dhe shfrenimit. Kandidatët duhet të jenë shembuj pozitivë për qytetarët dhe të mbajnë një nivel të lartë të sjelljes në publik.Në këtë rast, kandidati i koalicionit “Bashke Fitojme” ka bërë një veprim të papranueshëm, duke treguar gishtin e mesit në ambjente publike ku kalojnë familjare dhe fëmijë. Kjo sjellje nuk është vetëm e papërgjegjshme dhe e pashembullt, por gjithashtu mund të ndikojë negativisht në imazhin e qytetit dhe në perceptimin e votuesve për kandidatin.
Prandaj, ne i bëjmë thirrje kandidatit të marrë vesh se sjellja e tij është e papranueshme dhe nuk është në përputhje me nivelin e kërkuar të sjelljes nga kandidatët në zgjedhje. Gjithashtu, i bëjmë thirrje KQZ-së të ndërhyjë në kohë për të parandaluar ndikimin negativ të sjelljes së kandidatit në imazhin e qytetit dhe në integritetin e zgjedhjeve.
Në fund të fundit, zgjedhjet janë një proces i rëndësishëm dhe duhet të jenë të ndershme dhe të paanshme për të siguruar që vota e secilit qytetar të respektohet dhe të ndikojë në zgjedhjen e përfaqësuesve të tij të zgjedhur në mënyrë të përgjegjshme.
