Jep dorëheqjen Komandanti i Përgjithshëm i Gardës së Republikës, Balla e firmos
Komandanti i Përgjithshëm i gardës së Republikës së Shqipërisë, Gramoz Sako, është dorëhequr nga detyra.
Burimet e gazetares së Top Channel, Anila Hoxha, bëjnë me dije se dorëheqjen e ka dorëzuar ditën e djeshme tek ministri i Brendshëm, i cili e ka pranuar.
Nuk dihen shkaqet dhe ende nuk ka një emërim të ri, ndonëse jo zyrtarisht bëhet me dije se javën që vjen kreu i Gardës do të zëvendësohet.
Ministria e Brendshme deklaron se ka nisur një reformim të thelluar të Gardës që merret me ruajtjen e PLSh-së, thonë burimet e Anila Hoxhës.
Sakaq gjatë dorëzimit të formularëve për SKY ECC një efektiv i Gardës, i identifikuar si Adnan Lleshi është përjashtuar, pasi ka firmosur që kishte përdorur aplikacionin.
“Nuk e dija që është e ndaluar”, është shprehur efektivi i Gardës.
/f.s
#Jep #dorëheqjen #Komandanti #Përgjithshëm #Gardës #së #Republikës #Balla #firmos
Java News
