Marrëveshja për emigrantët me Italinë, “Kushtetuesja” jep sot vendimin. Opozita kërkoi prova të reja

Gjykata Kushtetuese pritet të japë sot vendimin për marrëveshjen mes Shqipërisë dhe Italisë për emigrantët.

30 deputetë të opozitës i janë drejtuar kësaj gjykate me kërkesën për të rrëzuar marrëveshjen. Më 24 janar Gjykata e shtyu seancës pasi, një ditë me parë, deputetët e opozitës kishin paraqitur prova shtesë, të cilat sipas gjykatës iu komunikuan palëve të interesuara, që ligji u jep të drejtën të kundërshtojnë kërkesat, përfundimet dhe shpjegimet e palëve të tjera në seancë.

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve.

Sipas marrëveshjes porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre.

/a.r