Bajqinovci i reagon LDK-së, iu kujton të bëmat ndaj Serbisë: Isa Mustafa ka nënshkruar Asociacionin në vitin 2015 ndërsa Avdullah Hoti i ka thënë “Razumem” Vuçiqit në Bruksel

Mefail Bajqinovci, deputeti i VV-së në një prononcim për Gazeta Blic ka thënë se kryeministri Kurti është duke i bërë ato që qeveritë e kaluara nuk i kanë bërë, në raport me Serbinë.

Ky reagim i deputetit tẽ VV-së vjen pas intervistës së deputetit të LDK-së, Kujtim Shala, i cili tha se Kurti me Marrẽveshjen e Ohrit e ka legalizuar Serbinë në Kosovë.

“Kurti është duke ia prerë rrënjët e Serbisë në Kosovë që i kishte lëshuar e forcuar gjatë qeverive të kaluara, përfshirë të LDK-së. Nuk ka më zgjedhje të Serbisë në Kosovë. Nuk ka referendum të Serbisë në Kosovë. Çdo ditë e më pak tabela KM. Serbët e Kosovës po pajisen me pasaporta të Kosovës. Nuk ka më letër të bardhë për qytetarët e Kosovës kur ta kalojnë kufirin. Lista Serbe, që ka qenë e është nëndegë e partisë se Vuçiqit është defaktorizuar plotësisht”, ka thënë deputeti i VV-së.

Bajqinovci tutje ka thënë se dikur LDK-ja ka qenë në koalicion me listën serbe.

“Mos harroni që LDK ka qenë koalicion me listën serbe në të kaluarën. Kjo është trashëgimia e Kurtit si kryeministër në raport me Serbi. A e dini se cila është trashëgimia e Qeverive të LDK-së në raport me Serbinë? Isa Mustafa duke nënshkruar me Vuçiqin marrëveshjen e vitit 2015 për Asociacionin jo kushtetuese, dhe Avdullah Hoti duke thënë i “Razumem” Vuçiqit në Bruksel”, ka thënë Mefail Bajqinovci. //

Shala i ftuar i radhës në “Blic Interview”: Kurti u dha autonomi serbëve, legalizoi pushtetin e Serbisë në Kosovë