PS kërkoi çregjistrimin nga lista, reagon kandidati i koalicionit ‘Bashkë Fitojmë’
Partia Socialiste dorëzoi dje një kërkesë për çregjistrimin nga zgjedhjet lokale të 14 majit, të kandidatit Rezart Tusha si përfaqësues i koalicionit “Bashkë Fitojmë”, pasi sipas Partisë Socialiste ai është rregjistruar në kundërshtim me Kushtetutës.Në kërkesën e depozituar në KQZ, Partia Socialiste thotë se është vënë në dijeni të fakteve se kandidati Rezeart Tusha, rezulton i dëbuar nga Zvicra në kuadrin e operacionit “Hydra” në vitin 1997, për posedim të lëndëve narkotike, duke ju ndaluar hyrja në Zvicër për pesë vite, një vepër penale kjo që sipas ligjit të dekriminalizimit të skualifkon nga gara për kryetar bashkie.Këtyre akuzave, Tusha iu përgjigj nga selia blu këtë të enjte, duke theksuar se sulmi i bëhet për shkak të frikës së PS nga humbja në zgjedhjet e 14 majit.
“Në 2021, kur u ngrit ky pretendim për ‘dënim’, KQZ e çoi formalisht ne Prokurorinë e Përgjithshme për verifikim të thelluar nga sektori i dekriminalizimit dhe mora dritën jeshile të kandidimit. Kjo është e vërteta me dokumente, të cilat do t’i vë në dispozicion të medias dhe publikut bashkë me këtë deklaratë. Kjo është pjesë e luftës politike, përpjekje amorale e qeveisë për të më skualifikuar nga zgjedhjet. Nuk u vë faj, se u është bërë huq që, ose i vjedhin zgjedhjet, ose i fitojnë pa asnjë kundërshtar përballë”, deklaron Tusha.Ndërkohë në lidhje me këtë çështje, burime nga Prokuroria bëjnë me dije se autoritetet zvicerane kanë refuzuar t’i përgjigjen kërkesës së Prokurorisë së Përgjithshme për dhënien e ndihmës së ndërsjellë juridike.
