Russell Brand paditet sërish për sulm se*sual

Russell Brand është goditur me një padi të re duke pretenduar se ai ka sulmuar se*sualisht një person në xhirimet e filmit “Arthur” në vitin 2010, ndërsa një anëtar i ekuipazhit “ruante derën nga jashtë”.

Padia, e paraqitur të premten në Gjykatën e Lartë të Nju Jorkut nga një grua e cilësuar vetëm si “Jane Doe”, shton akuzat ekzistuese të katër grave kundër aktorit britanik, të cilat ai i mohon të gjitha.

Aktori dyshohet se “u shfaq i dehur, kishte erë alkooli dhe mbante një shishe vodka në xhirime” para sulmit, sipas një deklarate të paraqitur në këtë rast, të siguruar nga Insajderi.

Gruaja që ngriti padinë kërkon që gjykata ta lejojë të padisë në mënyrë anonime për shkak të punës së saj në industrinë e argëtimit.

“Sulmi se*sual ndodhi më vonë po atë ditë kur unë isha në tualet”, thuhet në deklaratë. “Zoti Brand hyri pas meje dhe më sulmoi, pasi një anëtar i ekipit të prodhimit ruante derën nga jashtë.”

“Si rezultat i abuzimit, kam vuajtur dhe vazhdoj të vuaj siklet, turp dhe frikë ekstreme. Jam e shqetësuar se nëse identiteti im bëhet i njohur publikisht në lidhje me këtë pretendim ai siklet, turp dhe frikë do të përkeqësohet ndjeshëm.”

Gruaja, e cila u pagua për tre ditë punë, pretendon se nuk u kthye në setin e filmit pas incidentit të supozuar në ditën e saj të parë.

Warner Bros Pictures përmendet gjithashtu në padi, si dhe disa kompani të tjera të përfshira në filmin e drejtuar nga Jason Winer./