Të gjithë do thonë…shihni çfarë bëri!

Luka Modric vazhdon të luajë në nivele të larta pavarësisht se mosha nuk flet më në favorin e tij. Kroati është aktivizuar edhe në ndeshjen e djeshme në Champions League kundër Atletiko Madrid. Në minutën e 62, Modric mori vendin e Camavinga-s, kur rezultati ishte 2-1. ESPN ka bërë një përshkrim brilant të punës së kroatit, pavarësisht se mungoi një tjetër gol i shënuar.

“Edhe pse hyri kur rezultati ishte 2-1 dhe nuk ndryshoi diçka rrënjësore, njerëzit do të thonë se Modric, ai kroati i mençuar, i përjetshmi, magjiku, “ndryshoi lojën”. Ndoshta po. Ndoshta ritmi, Reali e kontrolloi topin ndryshe, ky është një fakt.

Por të shikosh Modric është si të shikosh lulet e vyshkura dhe të lodhura në buzë të shkretëtirës që kthehen në jetë nga shirat e parë të vjeshtës. Kur maestro 38-vjeçar i Madridit doli në fushë, ishte sikur Robert De Niro të merrte rolin kryesor në një film.

Të gjithë e dinë që “më i miri” sapo ka hyrë në skenë, të gjithë e dinë që ai do të spikasë dhe do të luajë shkëlqyeshëm atë që ka bërë përjetësisht. Të gjithë e dinë se ata që e rrethojnë do të përfitojnë nga loja e tij.

Modriç i dha jetë të re çdo lojtari me fanellën e bardhë. Nuk është gjithmonë spektakolare, por është qetësuese për ta parë. Ju e dini se ka një fuqi më të lartë në punë në fushë, ju e dini se ishte gjëja e duhur për të besuar, dhe ju shihni se ekipi gjen besim përsëri.

Modri? ecte lart e poshtë, duke shpërndarë dhe marrë topin me lehtësi, duke marrë dhe shpërndarë. Shtimi i klasit, përcaktimi i ritmit… duke u treguar të gjithëve, pa asnjë mërzi apo një vështrim gjykimi, sesi duhej të ishte luajtur që në fillim. Modric, mrekulli futbolli. Sa bukur ishte ta shikoje duke predikuar filozofinë e tij të futbollit”, shkruan ESPN. /Sport Ekspres/