Gjithçka duhet të dini/ Video e golave, festës, dhe llogaritë e fitores që na çon drejt “Euro 2024”

Shqipëria triumfon 3-0 ndaj Republikës Çeke, duke e kthyer Arenën Kombëtare në një fortesë me 100% fitore. Fitorja e parë ndaj çekëve që pas ndarjes së Cekosllovakisë. Asani e Seferi (dygolësh) vendosën ndeshjen, duke përfituar edhe nga fakti që kundërshtari luajti me 10 lojtarë gjithë pjesën e dytë.
Llogarite e ndeshjeve/ Sa pikë na duhen për Evropian dhe sa për vendin e parë në grup
Asnjë ndryshim për Sylvinho, me përjashtim të Ajetit që zëvendësoi Ismajlin e dëmtuar, në krahasim me fitoren ndaj polakëve. Një pjesë e parë plot emocione në “Air Albania”, e bërë edhe më spektakolare nga goli i numrit 9 Jasir Asani në minutën e 9’.
Një goditje e mrekullueshme me të majtën nga distanca dhe Asani i dha formacionit kuqezi epërsinë. Pak para pushimit, sulmuesi i Çekisë, Chytil u përjashtua me karton të kuq në aksionin që solli golin e barazimit për Çekinë. Lojtari e kishte prekur me dorë topin që shkoi në rrjetë, duke u ndëshkuar. Çekët reaguan në minutat e fundit, pavarësisht se ishin me një lojtar më pak, duke bërë disa sulme para pushimit.
Pjesa e dytë ishte tjetër histori. Dominim total dhe Taulant Seferi shënoi golin e parë me fanellën e kombëtares në fillimin e lojës. Një assist i Asanit që u kontrollua me Var para se të vlerësohej, për pozicion jashtë loje.
Seferi pastaj bëri tris në minutën e 73’, duke entuziazmuar publikun.
Kuqezinjtë mund ti kishin dhënē përmasa fitores me pokerin e Arbnor Mujës. Por ai që do kishte qenë goli i parë me fanellën e kombëtares u anulua me Var.
Sylvinho: Fitorja me Çekinë hap i rëndësishëm, por nuk ka mbaruar asgjë
Një fitore që e ngjit në 13 pikē Shqipërinë në krye të grupit E, ndjekur tashmë nga Polonia me 9. Çekia e Moldavia, kundërshtari ynë i radhës kanë 8 pikë, por për matematikën Sylvinho ka nevojë edhe për një pikë. E ka dy ndeshje për ta marrë.
©
#Gjithçka #duhet #të #dini #Video #golave #festës #dhe #llogaritë #fitores #që #çon #drejt #Euro
Lapsi