41 turistët polakë përfunduan në spital/ Dalin analizat: Çfarë e shkaktoi helmimin e tyre në Vlorë

Instituti i Shëndetit Publik, ka zbuluar rezultatet e analizave të mostrave të ushqimeve nga anija me të cilën shkuan në Sazan të rinjtë polakë, që përfunduan në spitalin e Vlorës me shenja helmimi, mbrëmjen e 25 gushtit.

Sipas burimeve në ISHP, në bazë të analizave virologjie është konstatuar se turistët polakë në Vlorë, tri ditë më parë janë helmuar nga norovirus, i cili përhapet nga mungesa e higjienës, kontaminimi i ushqimeve dhe ujit. Norovirusi, ndryshe quhet gripi i verës ose stomakut dhe ka shenja gastro intestinale.

Ndërsa, pritet të verifikohet nëse ushqimi që është konsumuar në anije, ishte gatuar në ndonjë kuzhinë brenda anijes apo është marrë nga ndonjë restorant.

AKU ka gjobitur anijen turistike “Black Pearl” me 600 mijë lekë. /m.j