Ndezën zjarr në një sipërfaqe pyjore të marrë me qira, por dogjën dhjetëra hektarë tokë, 2 në pranga në Himarë

Dy persona kanë rënë në prangat e policisë në Himarë, pasi akuzohen se i vunë zjarrin një sipërfaqeje pyjore që e kishin marrë me qira.

Shërbimet e Policisë kanë kapur dhe arrestuar në flagrancë shtetasin E. M., 44 vjeç, banues në Kudhës, Himarë, dhe nipin e tij, shtetasin A. L., 29 vjeç, banues në Himarë.

Këta shtetas, me qëllim rigjenerinim e kullotës, i kanë vënë zjarrin sipërfaqjes pyjore që ia kishin marrë me qira Drejtorisë së Pyjeve dhe Kullotave në bashkinë Himarë.