“Donin të prishnin prova”, gazetari skanon sulmin ndaj SPAK: Ishin dosjet e peshqve të mëdhenj

Gazetari Poli Hoxha teksa skanonte sulmin kibernetik ndaj Prokurorisë së Posaçme, zbuloi në “Off the Record” nga Andrea Danglli, në A2 CNN, se qëllimi final ka qenë prishja e provave të dosjeve të “peshqve të mëdhenj” të politikës dhe oligarkisë.

Sipas tij një nga tre prokurorët e SPAK, të cilëve u janë vjedhur të dhënat e e-maileve personale, ka qenë duke hetuar ish-ministrin e Infrastrukturës dhe Energjisë në qeverinë Rama, Damian Gjiknuri.

“Ato kanë vlerë e-mailet se është përdorur si metodë pune në SPAK sidomos me grupet e BKH, të cilat njoftojnë me e-mail që bëmë këto hapa, Polin e kemi në vëzhgim, me tjetrin kështu. Ka elementë të rëndësishëm të hetimit, që për ata që i disponojnë do shërbenin për të marrë masa. Pra çështja është të prishësh prova në kohën e duhur, të marrësh informacionin në kohën e duhur, të kapësh dëshmitarët e mundshëm në kohën e duhur, të fshehësh paratë, letrat etj… Dosjet, të dyja janë që janë marrë si fillim peshq të mëdhenj. Se janë dy zonja dhe një prokuror. Te njëra, te prokurori ishte çështja e Damian Gjiknurit, ish-ministër i fuqishëm, që po hetohej. Nëse e zgjeron rrethin e të arrestuarve dhe të dyshuarve del një lidhje shumë afër majave të pushteti, jo vetëm me Gjiknurin por edhe me zotin Xhafaj dhe me marrëdhëniet e tyre, të gjitha lidhjet etj…”, zbuloi Poli Hoxha në “Off the Record”.