“Kundërshtari ynë kërkon shkrirjen e SPAK”, deputetja socialiste flet për arrestimet në rangjet e larta: Kosto që e kemi pranuar, jemi të vendosur në këtë rrugë

Deputetja e PS-së, Klodjana Spahiu, ka folur së fundmi lidhur me zgjedhjet e 11 maji dhe se sa do ndikoj në qarkun e Durrësit, ku dhe ajo kandidon, arrestimi i ish-deputetit Jurgis Çyrbja.

E ftuar në Neës 24, deputetja socialiste u shpreh se lufta kundër korrupsionit ka qenë vizioni i PS-së, e cila do ketë dhe kosto të tilla për këtë forcë politike.

“Po tentojmë të kalojmë në reformën për të forcuar sundimin e ligjit për të luftuar korrupsionit. Ka patur kosto ka qenë e dhimbshme. Ju përmendni ish kolegë tanët. Ka qenë kosto që e kemi pranuar. Duke qenë të vendosur në këtë rrugë. Nëse nuk punojmë në këtë rrugë në barazinë para ligjit të çdo qytetari”, tha ajo.

Më tej ajo shprehu dhe një koment për demokratët, për të cilët tha se ata po kërkojnë shkrirjen e reformës në drejtësi.

“Jo në atë që investohet kundërshtari unë në shkrirjen e reformës në drejtësi. Nëse nuk shkojmë në barazinë para ligjit jemi të humbur. Nuk fiton asnjëri. Varianti i vetëm i PD nën Berishën është shkrirja e SPAK. Në të gjithë opinionin e ndërkombëtarëve puna e Shqipërisë, e parlamentit e institucioneve të pavarura, ka qenë jo vetëm e mbështetur, në opinionin e tyre administrimi publik, reforma, të ardhurat publike dhe tenderimi me IA janë të gjithë rrugëtim i PS në të gjithë institucionet për të ulur korrupsionin në Shqipëri. Nuk themi që ka zero korrupsion. Janë treguesit që është rruga e duhur”, përfundoi deputetja.

Ajo ndër të tjera foli edhe për disa nga problematikat në sistemin e shëndetësisë. Spahiu u shpreh se që nga viti 2013 kur mori mandatin e parë qeverisja socialiste janë bërë shumë ndryshime lidhur me pagën e mjekeve dhe kushtet që u ofrohen si mundësia për banesën me kredi të butë.

“Kur krahasoj me standardin ku kemi qenë dhe ku duhet të arrijmë brenda 4 viteve, është bërë një transformim rrënjësor. Sot infermieri nuk e ka më pagën para 10 viteve, e ka 3 herë më të lartë. Nëse një mjek shkon në 1600 euro, i ofron dhe një mundësi për të pasur banesë me kredi të butë. Ajo që duam në mandatin e ardhshëm. Në Gjermani, edhe fëmijën e ka në shkollë deri në 4. Ne nuk e kemi. Në 4 vitet e ardhshme duam që fëmijët të rrinë në shkollë deri në 4. Të ketë aftër-school, të ketë kamera inteligjente në shkolla. Janë të ndërlidhura.

Nëse para 5 vitesh ikën një çift mjekësh me pagë 2500 euro në Gjermani, nuk kanë patur të sigurt shtëpinë këtu, fëmijën në shkollë deri në 4 nuk e kanë patur. Këto janë faktorë. Sot ti ke barna me çmim 30% më ulët dhe pa TVSH. Janë politika të PS. Janë 200 barna të reja në listën e rimbursueshme. Ma marrëveshjet e miratuara në Kuvend ka barna të terapisë së avancuar, edhe në kimio terapi. E merr barnën me çmim të negociuar.

Mos harrojmë se nuk kishim medikamentin bazë për terapinë e gjirit. Sot kemi një sërë barnash për kimio terapi. Shteti duhet të mbulojë kombinimin e parë. por nuk krahasohemi dot me buxhetet e shëndetësisë së vendeve europiane. Kur e morëm në vitin 2013, ato që ishin të pasiguruar nuk merrnin dot shërbim. Prej investimeve në teknologji, janë 1207 shërbimeve që merren në celular”, tha Spahiu.

Më tej, Spahiu vlerësoi përveç fuqizimit të infrastrukturës në shëndetësi, edhe rritjen e kapaciteteve me burime njerëzore.

“Jam dëshmitare e proceseve që kanë ndodhur, duke parë modelin që ishte. Nëse sot flasim për autonomi financiare, garantoj se para 5 viteve kur nuk ishte infrastruktura as burimet njerëzore, në këto 12 vite përveç fuqizimit të infrastrukturës është rritur burimi njerëzor. Në një vit dalin 7 kardiolog. Kemi patur një vizion për të arritur në këtë hap që jemi sot”, shtoi deputetja.

Sakaq, Spahiu shton se së shpejti kushdo do te ketë në dispozicion një kartë digjitale të detajuar të informacionit shëndetësor, ndërsa mjekëve do i shkojë paga edhe më e lartë në bazë të perfomancës së tij.

“Nëse nuk do bënim transformim në kirurgji, kemi investuar në parandalimin e sëmundjeve përmes kontrollit shëndetësor bazë. Kemi të planifikuar gjithçka për parandalimin e sëmundjeve me kosto të lartë për shëndetësinë. Do kemi një kartë digjitale të gjithë informacionit shëndetësor. Do kemi pasqyrë të qartë për çdo qytetar. Do kemi informacion të detajuar për ata që kryejnë kontrollin shëndetësor bazë. Tani që spitalet rajonale kthehen në pole ekselence, spitali do zgjedhë specialistin që do, rritet ofrimi i shërbimit, duke e paguar mjekun në bazë të performancës. Mjeku do i shkojë paga edhe më e lartë në bazë të performancës së tij. Do ketë vlerësim performance për çdo mjek të spitalit”, theksoi ajo.