“Reali i Madridit na eleminoi me ndihmën e arbitrave”, trajneri i Sosiedadit shpërthen në akuza: Po ta shënonim ne atë gola do të na e anulonin

Trajneri i Real Sosiedadit ka lëshuar akuza të forta pas ndeshjes kundër Realit të Madridit, e vlefshme për gjysmëfinalen e Kupës së Mbretit. Madrilenët i çuan shifrat në 4-4 në minutën e 115 të takimit, duke siguruar kualifikimin me rezultat të përgjithshëm 5-4. Por Imanol Alguasili ka deklaruar se “los blancos” u kualifikuan me ndihmën e arbitrave. Ai ka theksuar se nëse do të kishte shënuar ekipi i tij një gol si ai i Realit, atëherë do ta kishin anuluar.

“Na kanë eleminuar ashtu si në Ligën e Europës, duke pasur ndihmë. Reali është një klub i madh dhe nuk ka nevojë për ndihmë. E kam shumë të qartë që do ta kishin anuluar golin në qoftë se do të kishte ndodhur në zonën tjetër”, ka deklaruar ndër të tjera Imanol Alguasili./Sport Ekspres/

#Reali #Madridit #eleminoi #ndihmën #arbitrave #trajneri #Sosiedadit #shpërthen #në #akuza #shënonim #atë #gola #të #anulonin
SportExpress