Zakonisht luhen 2 derbi në vit, por që kur kam ardhur te Interi kemi luajtur shumë

Përballja e parë mes Milanit dhe Interit në Kupën e Italisë ka përfunduar në baraspeshë 1-1. Kualifikimi për në finale mbetet i hapur dhe do të përcaktohet në ndeshjen e kthimit. Simone Inzagi ka mbetur i kënaqur me rezultatin e sotëm, teksa është shprehur pas përfundimit të sfidës se lojtarët kanë dhënë gjithçka nga vetja. Trajneri i Milanit ka vlerësuar edhe kundërshtarin, të cilin e konsideron një ekip të rrezikshëm.

“Milani është një ekip i madh. Ata kanë shpërthime të shkëlqyera. U treguam të zotë që qendruam gjithmonë të kthjellët. Është një rezultat pozitiv. Na duhej që mbi të gjitha të menaxhonim lojtarët, sepse ishim të kufizuar. Lojtarët më dhanë gjithçka që mundeshin. Zakonisht duhet të luash 2 derbi në vit, por që kur kam ardhur këtu kemi luajtur shumë prej tyre. Kishim shumë goditje në portë, por Milani ishte gati të riniste sërish. Janë gjithmonë një ekip i rrezikshëm”, ka deklaruar Simone Inzagi./Sport Ekspres/