Lapaj në gjurmët e kreut të PD! Familjarët e tij… –

Deputeti demokrat, Dashnor Sula e cilëson të turpshme listën e Sali Berishës për zgjedhjet parlamentare të 11 majit.

Në një intervistë për “Tirana Live”, Sula u shpreh se qarku i Elabsanit, është i papërfaqësuar për demokratët.

“Kemi pasur komunikim edhe gjysmë ore më parë, jo me zotin Berisha, me zotin Noka. PD kërkonte që unë të isha në pjesën e listës së hapur në Elbasan, e vendosa, dakord do të kandidoj në listën e hapur të PD, pavarësisht se më bënë një padrejtësi. Kushti im ishte që të tërhiqte një kandidat nga lista. Kjo ishte kërkesë edhe për moral, edhe për logjikë politike. I thashë zotit Noka, nëse shkoj poshtë 10 mijë votave personale, në 2021 kisha 8 mijë vota personale. Dola i pari në vitin 2005 me vota personale. S’i janë gatuar aty, unë i di gjërat e sakta. Nukd o dua t’ia përmend emrin dhe t’i jap kënaqësi atyre. Pas datës 11 maj do flasim. Nëse del ndryshe, do i ulem në gjunjë PD dhe Sali Berishës. Kanë hallin e 12 majit. Për herë të parë, Edi Rama bën listën më të mirë pas 3 listash.

Berisha kthen të vjetërit. Në listën e hapur nuk vendos njerëz që marrin vota. PD dhe opozita duhet të ishte kundra atij kodi zgjedhor. Ajo parti ka lindur dhe po vdes me Sali Berishën, ajo është fatkeqësia më e madhe e asaj partie. Zoti Berisha nuk do zë ndryshe. Edhe të dua unë t’i çoj votat e mia, nuk i çoj dot. Unë, do shikoj pas leximit të votave më 11 maj, jam demokrat, do duhet të jem demokrat, do mbështes opozitën, por reagoni, reagoni, reagoni. Nëse ajo parti nëse nuk kthehet, ajo është e destinuar të vdesi”, theksoi ai.

Sula ka shtuar se kreu i “Shqipëria bëhet”, Adriatik Lapaj, me të cilin nuk arriti dakordësi për futjen në lista, është në gjurmët e kryedemokratit Sali Berisha.

Ai u shpreh se Lapajt i kërkoi garanci, teksa në listat e sigurta, ai kishte vendosur familjarë dhe të afërm.

“Duhet të jem shumë i sinqertë, nuk është se mua më ka thënë njeri personalisht, por duke bërë analizën të situatës, apo sjelljes, qajes, që zoti Lapaj si drejtues i nisës Shqipëria bëhet, duke parë ftesën që ky formacion më bëri dhe e pranova, ato më kanë telefonuar mua. Por në momentin që vendoset për të pasur një bashkëpunim, duhet sinqeriteti. Unë ika nga PD për shkak të padrejtësisë që mu bë. Jam i vetmi deputet i opozitës, të tjerët kanë votuar pro kodit zgjedhor, i vetmi që voitoi kundër jam unë, që nuk isha për bunkerizim të listave. Unë vendosja të vijoja rrugëtimin tim politik me Berishën, që të bënim rotacion politik. Zoti Lapaj tha se anëtarësia më ka përzënë, zoti Lapaj pretendon se emrat e parë të listave në Elbasan do jepnin dorëheqje, kjo nuk ka si të ndodhë. Pasi diskutuam, ju thoni që 5 emrat e parë janë kot, të panjohur, unë them të tërhiqen që tani. Ju thoni nuk i tërheqim tani, jo kur të marrin mandatin. Mendoje herën tjetër miku im”, theksoi ai.