VIDEO/ Hyri nga stoli dhe fitoi penalltinë, Ernest Muçi protagonist në fitoren e Beshiktashit

Beshiktashi ka fituar me shifrat 2-0 kundër Kajserisporit. Zhoao Mario tundi i pari rrjetën në minutën e 45, ndërsa në minutën e 95-të Kiliçsoi dyfishoi nga pika e bardhë e penalltisë. Meritë në golin e dytë ka edhe Ernest Muçi.

Sulmuesi shqiptar hyri në fushë në pjesën e dytë të lojës për t’u kthyer protagonist në sekondat e fundit të saj. Penalltia u fitua pikërisht prejt tij, pas një ndërhyrjeje të parregullt nga kundërshtari në zonë. Një rikthim pozitiv për Muçin, i cili mungonte prej disa ndeshjes për ekipin e Beshiktashit./Sport Ekspres/