Mini-fusha e re në “Shtëpinë e Futbollit” drejt përfundimit, vijon puna për fushën e tretë me bar natyral

Punimet për ndërtimin e mini-fushës së re me bar artificial në ambientet e “Shtëpisë së Futbollit” janë drejt përfundimit dhe pritet që shumë shpejt ajo të jetë gati për përdorim.

Mini-fusha është ndërtuar brenda një kohe të shkurtër falë punës intensive dhe angazhimit maksimal të FSHF-së, duke siguruar një infrastrukturë cilësore dhe funksionale.

Kjo hapësirë brenda “Shtëpisë së Futbollit” do të shërbejë për aktivitete të ndryshme stërvitore të ekipeve Kombëtare, si dhe për organizimin e eventeve të tjera nga Federata e Futbollit.

Ndërkohë, me ritme të larta po vijojnë edhe punimet për ndërtimin e fushës së tretë me bar natyral në “Shtëpinë e Futbollit”.