Conceicao: “Milanit i mungojnë bazat e futbollit”

Sergio Conceicao sulmoi sërish Milanin për mungesën e bazave të futbolli  dhe mentalitetit pasi humbja në Dinamo Zagreb i la ata në play-off të Ligës së Kampionëve.

“Loja shkoi kundër nesh, por përveç kësaj na mungonin bazat e futbollit në pjesën e parë”, tha Conceicao për Sky Sport Italia.

“Sporti përbëhet nga duele, si në sulm ashtu edhe në mbrojtje, nga agresioni. Në 20-25 minutat e para ose nuk finalizuam, ose nuk gjuajtëm fare, këto janë gabime individuale. Gabimet mund të ndodhin, por ne duhet të bëjmë më shumë. Me kartonin e kuq, gjithçka u ndërlikua më shumë, ne ulëm kokën dhe u përpoqëm të ktheheshim. Në këtë nivel, edhe kur skuadrat kanë pak për të luajtur, ato janë ende të vështira dhe ne duhet të jemi gati”, përfundoi portugezi.

/ Sport